San Juan jaiek, ohi legez, Nekazari eta Artisa Azoka ere ekarriko dute Barrikako udalerrira, BBK Azokaren laguntzari esker. Hala, salmahaiak irekiko dira ekainaren 23an,domekan, goizeko 09:00etatik 14:00etara.
Barrikako Abaroa aparkalekuan izango da azoka, tenis eta paddle pistan. Guztira, 16 stand jarriko dira, eta 16 ekoizlek hartuko dute parte. Artisauak, betiko lez, Udaletxerako aldapan izango dira. Hainbat produktu eskainiko dira: ortuari eta barazki freskoak, pastelak eta gozoak, sagardoa, sagar zukuak eta itsasoko produktuak. Hala ere, jakiak ez dira azokako protagonista bakarrak izango, askotariko artisautza ere egongo da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!