Barrikako Udalak, KZGuneagaz lankidetzan, doako ikastaroa emango du smartphoneak eta tabletak erabiltzen ikasteko. Tailerraren asmoa da teknologia berrietan trebakuntza ematea, eta oraindino ere zenbait herritar-belaunalditan dagoen arrakala digitala gainditzea du helburu.
Tailerra azaroaren 4tik 12ra emango dute, 18:00etatik 20:00etara, liburutegian, eta, parte hartzeko, norberaren mugikorra edo tableta eraman beharko da.
Joateko interesa dutenek urriaren 31ra arte izango dute izena emateko aukera, liburutegia@barrika.eus helbidera idatziz edo 946 775 263 zenbakira deituz. Taldea osatzeko, gutxienez pertsona bik eman beharko dute izena.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
