Zehazki, edukiontzien kanpoan zabor-poltsak uzteak dakarren arazoa nabarmendu gura izan du Udalak. Ekintza soil horrek, zikintzeaz eta herriaren estetika hondatzeaz gain, higiene arazo bat sor dezakeela eta izurriteak eragin ditzakeela ohartarazi du. Halaber, garbiketa-zerbitzuen lana oztopatzen duela deitoratu du.
Horrez gainera, udal-iturriek gogoratu dute edukiontziak modu desegokian erabiltzen dituztenentzat zehapen-arautegia dagoela, 3.000 eurorainoko zigorrakaz. Horregatik, hala ez jokatzeko eta zabor-poltsak edukiontziaren barruan uzteko eskatu dute. Edukiontzi organikoa irekitzeko txartelik ez dutenek, gainera, udaletxean eska daitekeela gogoratu dute.