Apirilean zehar, Barrikako ludotekak hainbat ekintza antolatu ditu herriko txikiek udaberriagaz zerikusia duten ekintzak egin ditzaten, besteak beste, koloretako tximeletak egin, ostadarra eraiki eta lore koloretsuak beren eskuakaz egin ditzaten. Jarduera guztiak barikuetan egiten dira, arrastiko 18:00etan. Lehen tailerra bariku honetan, apirilak 4, izango da udal liburutegian. Bertan, eskulanek bizia hartuko dute tximeleta koloretsuak egitean.
Hurrengo jarduera apirilaren 11n izango da, Ander Deuna Aretoan, eta bertan koloretako ostadarrakaz apaingarriak eraikiko dituzte. Azken ekintza apirilaren 25ean izango da, udal liburutegian, kolore anitzeko lore sorta ederrak egiteko. Tailer guztiak 5 eta 12 urte bitarteko haurrei zuzenduta daude. Izena emateko, bidali mezu bat liburutegia@barrika.eus helbidera edo deitu 946 775 163 telefonora.