Udako egun horietan, musikagaz eta kirolagaz lotutako jarduerak egingo dituzte umeentzako, baita teniseko eta hipikako ikastaroak ere, astelehenetik barikura, 09:00etatik 14:00etara, eta harrera goiztiarreko zerbitzua egongo da 08:00etatik 09:00etara. Lotura honetan udalekuen egutegia kontsultatu daiteke.
Horren harira, Barrikako Udaleko alkate Itziar Unibasok gogorarazi duenez, herritarrek “oso ondo hartzen dituzte udaleku hauek, egun horietan umeek gozatzeko eta sozializatzeko jarduerak eskaintzen baititugu, eta familiei ere laguntzen diegu egun horietan kontziliatzen”.
Izen-emateak eta prezioa
Izena emateko, lotura honetako formularioa bete eta udal-liburutegian entregatu edo udalekuak@barrika.eus helbidera bidali beharko da. Gaineratu dutenez, Barrikan erroldatutakoek lehentasuna izango dute eta, behar izanez gero, maiatzaren 20an, 11:00etan, zozketa egingo dute udaletxeko pleno aretoan. Era berean, maiatzaren 23an, 17:30ean, bilera egingo dute izena eman duten familiakaz, udaletxeko plazan.
Udalekuen prezioari dagokionez, desberdina da aste kopuruaren arabera. Astebetekoa 60 euro dira, aste bi 80 euro, hiru aste 100 euro eta, azkenik, lau aste 120 euro.