Udalak zehaztu duenez, espaloiak hiru metroko zabalera izango du ibilbidearen zatirik handienean, baina metro bira murriztuko da etxebizitza baten sarreraren ondoko puntu zehatz batean. Jarduketak herritarren eskaera historikoari erantzuten dio, orain arte bazterbide estuetatik eta ibilgailuen trafikoaren eraginpean ibili behar baitzuten.
Jarduketa horregaz batera, Udalak Mendieta auzoko bideak hobetzeko proiektu bat ere jarriko du martxan, Sopelagaz lotura hobetzeko. Esku-hartze horrek 105.000 euroko inbertsioa izango du, eta zorua konpontzea, seinaleztapen berriak eta trafikoa arintzeko neurriak hartuko dituzte, baita espaloiak ahal den tokietan markatzea eta zabaltzea ere.
Obra horien bidez, 2024an Goierrin hasitako hirigintza-berrantolaketari jarraipena eman gura dite, inguruko udalerriekiko lotura jasangarria hobetuz.