Goierri auzoko Itxas Alde haur parkea berritzen amaitu du Barrikako Udalak. Eraberritze lanei esker, haurrentzako jolas berri seguruagoak eta modernoagoak jarri dira. Berritzeko proiektua udal-aurrekontuetan sartua zegoen, eta iaz Artepeta parkean egindakoari gehitzen dela nabarmendu du Udalak.
Itziar Unibaso Barrikako alkateak dioenez, “haur-parke baten erreforma berri hau barrikoztar txikienekin dugun konpromisoaren barruan sartzen da, beren auzoetan erosoago eta seguruago jolastu eta goza dezaten”. Hori dela eta, Barrikako Udalak beste haur-parke batzuk eraberrituko ditu hurrengo udal-aurrekontuetan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
