Barrikak bat egingo du hilaren 15etik 25era egingo den Euskaraldiaren laugarren edizioagaz, euskararen erabilera sustatzeko eta hizkuntza-ohiturak aldatzeko. Hori horrela, udalerriko hainbat elkartek eta tokiko erakundek, horien artean Barrikako Udalak, ekimen honi laguntzeko zenbait jarduera antolatu dituzte, besteak beste, lip dub bat grabatzea, barikuan, hilaren 9an.
Barikuan, maiatzaren 9an, tokiko elkarte eta erakundeakaz lip dub bat grabatuko dute, Bulego taldearen Gure bihotzaren taupadak abestiagaz. Hitzordua 18:30ean jarri dute, udaletxerako bidean.
Ondoren, hilaren 17an, Euskal Jaia egingo dute frontoian, 11:30etik 14:30era, egurrezko jolas tradizionalakaz, puzgarriakaz eta disko-festagaz, dena familia-giroan eta euskara protagonista dela.
Azkenik, lip duba maiatzaren 23an proiektatuko dute, 18:30ean, udaletxeko osoko bilkuren aretoan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!