Urriaren 17tik aurrera indarrean sartuko den neurri honek Barrikako alkate Itziar Unibasok azken urtean Osakidetzako zuzendaritzagaz izandako bileretan adostutako emaitza dela azaldu du Udalak. "Ordutegiaren luzapenak gure herrian osasun-arreta hobetuko du nabarmen. Helburua da herritarren ongizatea indartzea eta Barrika irisgarriagoa eta atseginagoa izatea", adierazi du alkateak.
Bestalde, Osakidetzaren Uribeko ESIak jakinarazpen pertsonalizatuak bidali dizkie posta bidez herritar guztiei, ordutegi berria eta dagokien familia-medikuaren izena zehaztuz. Neurri honek Barrikako osasun-arreta sendotu eta herritarren eguneroko osasun-beharrak hobeto asetzea du helburu.