Barrika bihurtu da Uribe Kostako Mankomunitatearen liderra ontzien birziklapenean, 2025eko urtarriletik irailera bitarteko datuen arabera. Epe horretan, udalerriko bizilagunek guztira 39.363 kilo plastiko eta metal bildu bota zituzten horretarako edukiontzi horietara, hau da, biztanle bakoitzeko 24,6 kilo, eskualdeko batez bestekoa nabarmen gaindituz.
Barrikaren atzetik, Lemoiz kokatzen da, 20,1 kilo biztanleko markagaz, Urdulizen biztanle bakoitzeko 18,7 kilo batu dituzte eta Gorlizen 18,5. Datu hori kontuan izanda, Barrikako Udalak herritarren erantzukizuna eta inplikazioa nabarmendu ditu, eta jatorrian hondakinak bereizten jarraitzera animatu ditu.
Udal-iturriek barrikoztarrak lorpen honengatik zoriondu gura izan dituzte eta emaitzak horiek mantentzera animatu dituzte, hondakinak jatorrian bananduz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!