Ekintzak azaroaren 29an hasiko dira, zapatua, goizeko 11:00etatik aurrera artisau eta nekazal produktuen azoka txiki bategaz. 12:30ean, Gure Zirkua taldeko Imanol Ituiño magoak bere ikuskizunaz gozaraziko du publikoa eta, ondoren, 13:30ean, Inbigu Gypsy Jazz taldeak kontzertua eskainiko du. Goizari amaiera emateko, herri bazkaria izango da, 14:30ean.
Arrastian, 17:30ean, kirol jokoak hasiko dira Barrikako familia guztiek modu dibertigarrian gozatzeko. Eguna amaitzeko, 20:30ean La Fabulosa y Decadente Mambo Express taldearen kontzertua izango da.
Domekan, azaroak 30 eta Ander Deunaren Eguna, meza bategaz hasiko da, 11:00etan, zaindari santuaren omenez. Ondoren, Aita Gotzon Abesbatzaren emanaldia izango da, 11:45ean. Geroago, festa girotzeko, luntx herrikoia eta txalaparta eta trikiti doinuak izango dira.