Parte-hartzaileen azken izen-ematea lehiaketaren egunean bertan egingo da, 9:00etatik 9:45era, Barrikako udaletxean. Lehiaketa 10:00etan hasiko da eta udalerri barruan soilik atera ahalko dira argazkiak. Rallya amaitzeko, parte hartzaileek izena ematean emango zaien memoria-txartela eman beharko dute, hautatutako lau argazkiekin, Barrikako Jubilatuen Etxean 13:30ak baino lehen.
Epaimahaiaren erabakia sarien banaketako egunean bertan jakinaraziko da. Edizio honetan argazkigintzako profesionalak osatuko dute epaimahaia. 980 euro banatuko dira guztira hainbat saritan. Aurkeztutako hiru bilduma onenetako bakoitzari trofeoa eta saria emango zaizkio. Horrez gain, bertako artista baten bildumarik onena ere sarituko da.