Hobaria jasotzeko bi bide aurreikusi dituzte: etxeko konpostajea egitea edo bide publikoko edukiontzi marroia modu egokian erabiltzea. Konpostajea egiten dutenek, 2026ko uztailaren 15a baino lehen izena eman beharko dute, erantzukizunpeko adierazpena aurkeztu, eta etxebizitza bisitatzeko baimena eman, Udalaren helburua konpostajea benetan egiten dela egiaztatzea delako.
Aitzitik, edukiontzi marroia kalean erabiltzen duten etxebizitzek ez dute izena eman beharrik: Udalak zehaztu du hobaria automatikoki aplikatuko duela urte amaieran, txartel elektroniko indibidualen bidez egiaztatuta. Hala ere, bi sistema erabiltzen dituztenek ez dute hobari bikoitzik jasoko: gehieneko murrizketa, kasu guztietan, % 20koa izango da.