Lanen bidez, parkea erabat berritu dute. Egoera txarrean zeuden zabuak eta gomazko zoladura kendu dituzte, eta haien ordez elementu natural eta jasangarriak jarri dituzte. Besteak beste, pinu-egurrezko hesi bat instalatu dute eremua mugatzeko, eta Robinia egurrez egindako igotze-joko berria ere ipini dute, umeen segurtasuna bermatzeko lurzoru bereziagaz.
Parkeak, gainera, erabilera berriak izango ditu. Hiru hiri-baratze prestatu dituzte, landaketak egiteko eta tokiko ekoizleakaz elkarlanean nekazaritza ekologikoko tailerrak antolatzeko. Udalaren esanetan, helburua espazioa aisialdirako ez ezik, bizikidetza eta komunitatearen topagune ere bihurtzea da.
Horrez gain, atseden-gune berriak ere egokitu dituzte. Zuhaitzen itzalpean kokatutako zurezko plataformak eta enborrez egindako bankuak jarri dituzte, auzotarrek zein bisitariek naturaz gozatzeko eta egoteko gune atseginagoa izan dezaten.