Barrika, Gorliz, Plentzia eta Sopelaren pausoei jarraituz, Berango “fracking gabeko herria” izateko mozioa aurkeztu zuen tokiko EH Bilduk atzoko osoko bilkuran. Hala ere, presio hidraulikoaz baliatuz lurzoruko arroketan itsatsita dagoen gas naturala ustiatzeko teknikaren alde agertu da Udalbatza.
Izan ere, EH Bilduk, PSEk eta IUk frackingaren kontrako mozioaren alde bozkatu arren, EAJren eta PPren zinegotziek talde soberanistak proposatutakoaren kontra egin zuten. Hala, bozka bateko aldeagatik Berangok “fracking gabeko herria” izateari uko egin dio.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!