Apirilaren 30ean, eguena, Bilbotik irtengo dira Lisboara joateko. Gaua autobusean emango dute. Lisboara heldutakoan, hiria bisitatuko dute gidari ofizial bategaz. Horregaz, hiriburuaren panoramikaz gozatu eta honako toki hauek bisitatuko dituzte: Rossio enparantza, Plaza dos Restauradores eta Obeliskoa, Jeronimoen Monasterioa, Belem-eko dorrea eta katedrala, besteak beste. Arratsaldea libre izango dute bisitariek. Hirugarren egunean, hotelean gosaldu eta goizean txangoa egingo dute Sintra hirira. Arrastian Estorilera joango dira, bertoko kasino famatua bisitatzeko eta hondartza zein itsas-paseotik ibiltzeko, besteak beste. Azkenengo egunean, hotelean gosaldu eta Berangora bueltatuko dira; bidean hainbat geldialdi egingo dituzte.
Maiatzeko zubian Lisboara joateko bidaia antolatu du Berangoko Udalak
Maiatzeko zubian Lisboara joateko bidaia antolatu du Berangoko Udalak. Apirilaren 30etik maiatzaren 3ra bitartean Portugaleko hiriburua bisitatu nahi dutenek, martxoaren 11ra arte izango dute aukera Berangoko kultur etxeetan izena emateko; izan ere, tokiak mugatuak izango dira. Lisboa bisitatzeaz gain, bisitariek Sintra, Cascais eta Estoril bisitatzeko aukera ere izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun