Proiektu nagusiak baloratzeko inkesta abiatu du Udalak

Udalerrian aurrera eroaten dabilen proiektuen gaineko iritziak batu gura ditu Udalak. Horretarako, auzotarren iritziak jasotzeko inkesta abiatu dute, herritarren parte-hartzea bultzatze aldera. Udalak etxez etxe banatu ditu aipatutako inkestak; udal webgunetik ere bete daitezke galdera guztiak. Inkestan, Udalak proiektuen informazioa eta horiek egiteko bideratutako aurrekontuak azaltzen ditu. Informazio horregaz guztiagaz, auzotarrek proiektu eta ekimen horiek baloratu behar dituzte, 1etik (oso txarra) 5erako (bikaina) balorazioakaz. Galdeketa horretan mota askotako proiektuak baliozten dira, besteak beste: HAPO eta Santa Ana auzoaren urbanizazioa.