Berangoko Ahal Dugu-k herriko bizilagunen topaketa bat antolatu du eguenerako, urriaren 15erako. Berangon Emilio Lobatok zuzentzen duen alderdi politikoak zabaldu duenez, topaketa hori 18:00etatik aurrera egingo dute, Berangoeta kultur etxean, Simon Otxandategi kaleko 64. zenbakian.
Bertan batuko direnek «herriaren beharrak eztabaidatu» beharko dituzte, Espainiako «hauteskundeetako programa sortzeko» asmoz.
Ahal Dugu-k Espainiako hauteskundeetarako «guztion programa» egitea espero du horrela. Alderdi morearen arabera, «elkarregaz lan egindako lehenengo programa hiritarra lantzen gabiltza, denon artean».
Roberto Uriarte EAEko Ahal Dugu-ren idazkari nagusiak prentsan iragarri duenez, litekeena da alderdi hori Equogaz batera aurkeztea.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!