Istripu gutxiago
Hala ere, Berango 2020 Ekintza Planean aurreikusi eta jasotakoaren arabera, 2013an zegoen 2,92 kilometroko bizikleta-sarea bikoiztu egin gura du Udalak. Horrenbestez, aurrenrantzean, Getxorako zein Berango barruko lotuneak hobetzea izango dira hurrengo pausoak.
Onartutako ibilbide berriak aukera emango die auzokoei Sopelaraino bidaiatzeaz gainera, herrigunetik osasun-etxera zein merkataritza-zentro handi batera joateko. Gainera, lotune bati esker, Kurtze auzoagaz ere lotuko da bidea. Udalak azpimarratu duenez bidegorria segurua izango da eta ondo seinaleztatuta egongo da. Horrek istripuen arriskua txikitzea ahalbidetuko luke. Denera, bidegorri-zati berriak 40.000 euroko kostua izango du.