"Euskaraz bizi nahi du" goiburuagaz, adin guztiei begirako astebeteko egitaraua prestatu du Udalak Euskararen Egunaren harira. Hilaren 30ean, astelehena, eguzki-lore tailerra egingo dute, 16:30etik 18:00etara. Ondoren, 18:00etatik 19:30era, Barreterapia-saioa egingo dute, haur-liburutegian. Hurrengo egunean, sukaldaritza-tailerra egingo dute 16:30etik 18:00etara. Ostean, dantza-saioa euskaraz egongo da haur-liburutegian, 18:00etatik 19:30era.
Eguaztenean, abenduaren 2an, mosaiko eta txalaparta tailerrak egingo dituzte, 16:30etik 18:00etara, eta 18:00etatik 19:30era, Berangoetan eta haur-liburutegian, hurrenez hurren. Eguenean, 16:30etik 18:00etara Perler Beads-en tailerra izango da; gero, Martinbertsok ipuina kontatuko du neska-mutilen gozamenerako, haur-liburutegian, 18:00etatik 19:30era. Azkenik, Euskararen Astea-ri egundoko amaiera emateko, Euskal Jaia antolatuko dute abenduaren 4an, barikuagaz. Horretan, taloa eta txistorra dastatzeko aukera izateaz gainera, musika euskaraz entzun eta dantzatzeko aukera egongo da. Txalapartakoa izan ezik, gainontzeko tailer guztiak Berangoeta kultur etxean izango dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun