Etxebizitzetan suteak ekiditeko kanpaina hori aurrera eroan ahal izateko, edadekoen 77 etxebizitza bisitatu dituzte, eta horietako 55ek doako instalazioa lortu dute. Gainera, proiektu horrek behatoki soziala ere hartzen du; hortaz, auzotar nagusi horiek denek eskubidez duten zerbitzu guztien gaineko informazio osoa jasotzeko aukera izango dutela jakinarazi dute udal arduradunek.
Adinekoak bizi diren hainbat etxebizitzatan suteak saihesteko, ke-detektagailuak jartzeko prozesua burutu du Berangoko Udalak; mota horretako 55 gailu ezarri dituzte guztira. Nerea Jimenezek zuzentzen duen Gizarte Ongizate Sailak bideratu du udalerriko nagusiak babesteko ekimen hori. Arduradunek azaldu dutenez, sute-detektagailu horiek denak pertsona gazteagoakaz bizi ez diren 80 urtetik gorakoen etxebizitzetan ezarri dituzte, doan. Halaber, jakinarazi dutenaren arabera, gailu horiek guztiak ondo funtzionatzen dutela bermatzeko urtean-urtean egin beharreko berrikusteak ez du ezelako kosturik izango adinekoentzat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun