Hilabete bat falta da Aste Santurako; hala ere, Berangoko Udalak garai horretarako koloniak prest ditu daborduko. Hala, horietan parte hartu gura dutenek aldez aurretik eman beharko dute izena, martxoaren 1etik 8ra arte, hain zuzen ere. Horretarako, udaletxera jo beharko da. Tokia mugatua izango da, hortaz, Berangon erroldatutako neska-mutilek izango dute lehentasuna.
Aste Santuko kolonietako ekintza guztiak euskaraz izango dira, eta adin tarte bakoitzari egokituta egongo dira. Ekintza guztien inguruko informazioa kultur etxeetan jaso ahalko da.
Berangon erroldatuta daudenek 20 euro ordaindu beharko dute; besteek, berriz, 40 euro. Zenbateko hori izena ematerako orduan ordaindu beharko da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!