Berango udalerriko auzokideak Liburuaren Astean murgilduta daude egunotan. Izan ere, apirilaren 23an Liburuaren Nazioarteko Eguna ospatzen da mundu osoan; hori dela-eta, berangoztarrek astebeteko egitarauaz gozatu ahal izango dute egun hori ospatzeko, eta udalerriko neska-mutilek liburuen mundura erakarri eta horretan sartzeko egundoko aukera izango dute. Hala, egunez egun tailer eta ekintza bereziak egingo dituzte Berangoeta kultur etxean, hilaren 22ra arte, barikua.
Berbarako, eguenean, hilak 21, libretak egiteko tailerra egingo dute, 16:30etik 18:00etara. Jarraian, kultur etxera hurbildutako umeek liburuen ginkanan parte hartzeko aukera izango dute, 18:00etatik 19:30era.
Hurrengo egunean, barikuan, 16:30etik 18:00ra arteko tailer-saioan origami arte japoniarrean murgilduko dira neska-mutilak. Ondoren, 19:30era bitartean, norberaren emozioak lantzeko ipuinak landuko dituzte. Udal arduradunek jakinarazi dutenez, ekintza denek begiraleak izango dituzte; hala ere, ohartarazi dute gurasoek lagunduta egon behar dutela umeek.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.