Maite-mindu hitz goxoen eta irainen lehiaketa antolatu dute Berangon

Epertikere kultura-elkarteak Berangoko Maite-mindu lehenengo hitz goxoen eta irainen lehiaketa antolatu du. Norgehiagoka horrek kategoria bi izango ditu: hitz goxoak eta irainak. Testuak euskaraz idatzi beharko dira, eta gehienez 140 karaktere izan beharko dituzte. Edonork parte har dezake ekimen horretan, adina, sexua eta bizitokia edozein izanda. Parte-hartzaile bakoitzak gehienez testu bi idatzi ahal izango ditu, kategoria bakoitzeko. Testuak ekainaren 26ra arte bidali ahalko dira, epertikere@gmail.com helbidera.

Epaiketak fase bi izango ditu. Lehenengoan epaileek 20 testu aukeratuko dituzte, 10 kategoria bakoitzeko. Bigarrenean, sareko bozkatze publiko bidez egingo da aukeraketa. Irabazleek pertsona birentzako afari edo bazkari bana jasoko dute.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun