Berango Atletismo Taldea udako campusa prestatzen dabil; Algortako Fadura auzoko kiroldegian egingo dute atletismo-campus hori, txanda bitan: uztailaren 4tik 8ra, lehenengoa; eta uztailaren 11tik 15era, bigarrena.
Campusa 2004tik 2009ra bitartean jaiotako neska-mutilentzat izango da, eta, halandaze, Lehen Hezkuntzako ikasleei egongo da zuzenduta.
Ordutegia goizean 09:00etatik 14:00etara izango da. Denbora horretan, gaztetxoek hainbat jarduera egingo dute hasierako orduetan, besteak beste, aretoko jolasak, eskulanak eta pelikulak ikustea; ondoren, zenbait atletismo-proba egingo dute, berbarako abiadura, hesiak, hondoa, jauziak eta jaurtiketak, besteak beste.
Eguerdian, jolasaldiaren ostean, kirola, igerilekua, txangoak eta olinpiada txikiak egingo dituzte.
Antolatzaileek zabaldu dutenez, campuseko astebeteko prezioa 60 eurokoa da, eta aste bikoak 120 euro balioko du. Bestalde, udako kirol-campusaren zuzendaria Enrique Castelo izango da, Berangoko klubaren atletismo-entrenatzailea.
Argibide gehiagorako honako bitartekoak erabil daitezke: enasport1@hotmail.com posta elektronikoa eta 618 459 747 eta 696 229 963 telefono zenbakiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
