.jpg)
Sahararen aldeko kontzertua egingo dute datorren ekainaren 2an, barikuan, Berango Antzokian. Horretan parte hartuko dute Eley eta Bart...Sax! musika taldeek, 20:00etatik aurrera. Sarrera 3 euroan salduko da, eta lortutako dirua Berangoko Udalak Saharako errefuxiatuen eremuan dagoen Bucraan herrian garatu duen proiektua finantzatzera bideratuko dute.
Endika Basterretxeak eta Leire Gotik osatutako taldea da Eley. Berangoko kontzertuan euren azkenengo lana aurkeztuko dute: "Primera Estación". Bikote horren ostean, Durangoko Musika Eskolako ikasleek osatutako Bart...Sax! taldea taularatuko da, Itziar Castrillo irakaslearen agindupean aretoa hirurogeiko hamarkadako doinuez betetzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!