Europako hainbat herrialdetako profesional gazteak bilduko dira egunotan Berangoko Stay and Job egoitzan. Irailaren 7tik 10era bitarteko Youth in Work izeneko topaketa horretan, bildutako denen harremana sustatuko dute, Erasmus+ programaren barruan; besteak beste, Ukrainia, Bulgaria, Errumania, Eslovakia, Kroazia, Eslovenia, Frantzia, Italia, Turkia eta Greziatik etorritako gazteak bertaratuko dira Berangora. Udalerri horretako neska-mutilek ere euren ikuspuntua eta ekarpenak aurkeztuko dituzte Gazte Mahaia Berango-ko eta Stay and Job proiektuaren esperientzietatik.
Topaketa eguenean, hilaren 7an, hasiko da. Egun horretan gazteen interbentziorako erronka zaharren eta berrien diagnostikoa egingo dute. Hurrengo egunean, barikuan, berriz, gazteen enpleguen kalitatea hobetzeko oportunitateen inguruan hausnartuko dute, Bizkaiko Foru Aldundiagaz elkarlanean. Zapatuan, hilaren 9an, gazteei zuzendutako proiektuak garatzeko diseinua eta kreatibitatea landuko dute, besteak beste. Azkenik, domekan, aurreko egunetan landutako dena sintetizatuko dute eta askotariko proiektuak diseinatzen ahaleginduko dira.
Parte hartuko duten eragileak:
- Go on / burdiuzha a.yu (Ukraina)
- Walk together association (Bulgaria)
- Asociatia tinerilor cu initiativa civica (Errumania)
- A.d.e.l. - association for development, education and labour (Eslovakia)
- Ida (Kroazia)
- Hellas for us (Grezia)
- Zavod cmlc (Eslovenia)
- Pistes solidaires (Frantzia)
- Vedogiovane società cooperativa sociale (Italia)
- Tokat il milli egitim mudurlugu (Torkia)
- Gizarteka (Bizkaia)
- Argibide (Bizkaia)
- Edmundo cooperativa (Bizkaia)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
