Eskualdeko beste hainbat herritan bezala, Gabonetako negulekuetan parte hartzeko izen-emate epea zabaldu du Berangoko Udalak. Horretarako azken eguna bihar jarri dute, azaroaren 23an. Horretarako, interesatuek Kultur Etxera jo beharko dute. Koloniak abenduaren 26tik 29ra artekoak izango dira, eta adin tarte bira zuzenduta egongo dira: 2012 eta 2014 urteen artean jaiotakoak eta 2006 eta 2008 artean jaiotakoak.
Ekintza guztiak euskaraz izango dira, eta adin tarte bakoitzari egokituta egongo dira. Kolonien prezioa 30 eurokoa da udalerrian erroldatutakoentzat; gainontzekoek 60 euro ordaindu beharko dituzte.
Koloniek irauten duten bitartean, neska-mutilek askotariko jarduerez gozatzeko aukera izango dute, hala nola, tailerrak eta jaiak. Gainera, hiru txango egingo dituzte. Horietako bat Gabonetako Umeentzako Parkera izango da, urtarrilaren 3an, 2000 eta 2011 urteen bitartean jaiotakoentzat. Hurrengo egunean, 9 eta 17 urte bitartekoak irristaketa egitera joango dira; aldiz, 3 eta 8 urte bitartekoak Tximiparkera.
Ostera, Gaztelekuak aktibitate entretenigarriak eta desberdinak egingo ditu 2000 eta 2004 urteen bitartean jaiotako gazteentzat, hala nola "Scaperoom", GUP, Lasergunera edo irristaketa egitera irteerak eta Serantes mendira martxa bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
