Aukeran, hobeto daude orain arte moduan, motzean, gustuko soka kideekin, eta ez bide berriak zabaltzen, noraezean. Dirudienez, gailurrak egiteko sortu dira, eta ez pisuaren astuna, sherparena egiteko. Hauek oso ondo dakite esku hutsik joanez gero, pausoa arinagoa dela, eta besteek sekulako arazoak dituztela aurrera egiteko, paisaiaren ederrari erreparatzeko. Bai, oso ondo dakite politika horrek laguntzen diela gailurrera lehenago heltzen, eta ikurrina eskuan, gustukoak ondoan, argazkia egiten, gero paparrean domina jartzeko, eta giza eskubideen alde itsu-itsuan egiten dutela esateko. Bai, oso azkarrak dira, nahiz eta jakin, motxiladun umeen sufrimendua luzatzeko baino ez duela balioko.
Manifestaziora joateko distantzia arazo handirik ez omen dute ikusi, baina oraingoan ere, ez dira animatuko. Etxearen epelean hartuko dute aterpe gehienek, antza, eta ausartenek telebistan ikusiko dute Bilbokoa. Izan ere, eguraldiak ez omen du lagunduko, eta ez dute inolako arriskurik hartu nahi, badaezpada. Gainera, ez omen daude prest izerdia alferrik botatzeko, eta oxigenorik gabe aldapan gora eta behera kaleetan egiteko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun