Sarek "Euskal emakume presoak" txostenean salatu duenez, euskal emakume presoak urrundu eta bakartu dituzte. Gainera, "hainbat eskubide urratu" dizkiete, herri-ekimenaren ustean. Denera, 39 euskal emakume preso zeuden joan den urtarrilean, beti ere Sareren datuen arabera: 12 frantziar Estatuko kartzeletan, 26 espainiar Estatuko presondegietan eta bakarra amentzako zaintza-pisuetan. Hala, “%100 Euskal Herritik urrun” dagoela baieztatu du presoen eskubideen aldeko kolektiboak.
Euskal presoen kolektiboko kideen %13 emakumezkoa da; bataz beste, 680 kilometrora betetzen dute ezarritako kondena. Sarek salatu duenez, "emakumeak, isolatuagoak egotea gauzagarriagoa da"; hala euretako heren bat, 12 emakume, bakar bakarrik daude, beste kide barik; beste hamar, kide bakarragaz daude.
Sareren txioak "Euskal emakume presoak" txostenaren inguruan
39 euskal emakume preso daude egun (2018ko urtarrila): 12 frantziar estatuko kartzeletan, 26 espainiar estatuko presondegietan eta 1 amentzako pisu tutelatuan. Hau da, %100 Euskal Herritik urrun daude. pic.twitter.com/Zb8XQaO9qs
— Sare (@sare_herritarra) 2018(e)ko martxoak 7