Kalean abesteko ohitura berreskuratzeko saiakera egin zuten hainbat auzokidek 2017ko martxoan. Orduantxe hasi zen Berango Kantari egitasmoaren ibilbidea, eta indarrez beteta ibili da urte osoan. Hainbat alditan elkartu dira, normalean hileko azken barikuetan, udalerriko erdigunea eta auzoak kantuz alaitzeko.
Jaialdia poteo girotuagaz hasiko da, eguerdiko 13:00etan. Jarraian, 14:30ean, umeentzako bazkaria hasiko da, eta helduentzakoa 15:30ean. Bazkarirako tiketek hamar euro balio dute helduentzat, eta umeentzat doakoak dira; salgai daude Frontoi eta Nebarrebak tabernetan. Azken ekitaldia arrastiko 19:30ean hasiko da: Taberna Ibiltaria taldearen laguntzaz herrian zehar ibiliko dira parte hartzaileak.
Hona hemen ekitaldia iragartzeko egin duten bideoa: https://www.facebook.com/220150355160485/videos/340376569804529/