Bertoko produktuak erosteko aukera egongo da domekan Berangon

Askotariko produktuak erosi ahal izango dira domekan.

Nekazaritzagaz eta gastronomiagaz lotutako 40 saltoki eta 18 artisau-postu egongo dira Nekazaritza eta Artisautza Azokan, 10:00etatik aurrera. Gainera, ohi bezala, euskal pastel onenaren Euskadiko lehiaketarako hitzordua jarri dute egun horretarako.

Urtero legez, maiatzeko lehenengo domekan bertoko nekazari eta artisauek Berango bisitatuko dute. Izan ere, Simon Otxandategi dantza-taldeak Nekazaritza eta Artisautza Azoka antolatu du domeka honetarako, maiatzaren 6rako. Aurtengoa XXV. ekitaldia izango da, eta askotariko postuak egongo dira Moreaga parkean. Merkatu horren zilarrezko ezteiak ospatzeko, gainera, Berangoko dantza-taldeak hainbat ekintza antolatu ditu egun horretarako, udal-iturriek jakinarazi dutenez.

Ezin aipatu barik utzi, azokaz gainera, aurten ere ospe handiko euskal pastel onenaren Euskadiko lehiaketa egingo dutela; aurtengoa XX. edizioa izango da. EAEko 11 ekoizlek parte hartuko dute norgehiagoka horretan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun