Kultura  Berango 2018-05-10 13:27

Berangoko Gazte Mahaia bertako musika-taldeen bila dabil

Berangoko Gazte Mahaia bakarlari edo musika-talde lokalen bila dabil, horiek ikustarazten laguntzeko asmoz. Santa Anako jaietan talde-lokalen gaua antolatzeko asmoa daukate, uztailaren 27an.

Berangoko Gazte Mahaia bertako musika-taldeen bila dabil
Edozein musika-tresna jotzen duten musikariek parte har dezakete. Irudian, Borja Arbaiza artisau eta musikari berangoztarra. CCBYSA HODEI TORRES - HIRUKA | Ikusi handiago | Argazki originala

Maite Mentxaka proiektuaren dinamizatzaileak adierazi duenez, “zerrenda bat argitaratuko dugu gure webgunean ekainean; xedeetako bat, datozen ekimenetarako gonbidapenak gauzatu ahal izatea. Honetan Grabasonic laguntzen ari gaitu”. Izan ere, zerrenda hori oinarri izango da Santa Anako jaietan antolatuko den talde-lokalen gaua sortzeko.

Izen-ematea

Bakarlari edo musika-talde lokalen zerrendan parte hartu gura dutenek berangokogaztemahaia@gmail.com helbidera bidali beharko dituzte honako datu hauek:

  • Taldearen/bakarlariaren izena.
  • Estiloa.
  • Parte-hartzaileen kopurua.
  • Berangoko parte-hartzaileen kopurua.
  • Adina.
  • Harremanetarako pertsona.
  • Telefonoa.
  • Posta elektronikoa.
  • Argazkia.
  • Logoa.
  • Loturak: webgunea, Bandcamp, Youtube, Facebook edo bestelakoak.
  • Uztailaren 27an jotzeko interesik?

Berangoko Udalaren gazteria-sailak bultzatutako proiektua da Gazte Mahaia; gazte eta nerabeentzat udalerri eskuragarri eta parte-hartzailea izaten bermatuko duen mugimendu publikoa sustatzen duen proiektua da.

Berangoko Gazte Mahaiak ekimenerako zabaldutako kartela

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa