Jaiak  Berango 2018-07-24 12:00

Berangoko Santa Ana auzoa, ekitaldiz gainezka

Uztailaren 26tik 28ra bitartean izango dira Berangoko Santa Ana auzoko jaiak; Urrats eta Luhartz taldeen doinuek girotuko dituzte dantzaldiak.

Berangoko Santa Ana auzoa, ekitaldiz gainezka
© BERANGOKO ALBISTEAK | Ikusi handiago | Argazki originala

Txistularien kalejirak abiaraziko ditu ospakizunak uztailaren 26an, eguenean, 11:00etan. Horren ostean, ohi den legez, meza eta nagusientzako hamaiketakoa jaietan murgilduko den Berangoko Santa Ana auzoan; eta Otxandategi dantza-taldearen txikiek euskal dantzen erakustaldia eskainiko dute. Arrastiko asto-proben eta umeen herri-kirolen ostean, Los Charros eta Urrats taldeen kontzertuak egongo dira. Barikuan, ostera, tortilla-txapelketagaz eta umeentzako parkeagaz hasiko dute eguna, 12:00etan. Ondoren, herri-bazkarian elkartuko dira denak. Umeek ere gozatzeko aukera izango dute Zirkozaurreren "Vademekum" ikuskizunagaz. Iluntzean, berriz, musikaren ordua helduko da, herriko musika-taldeak eta Luhartz izango dira protagonistak. Zapatuan, txirrindularien txanda izango da: Santa Ana zeharkatuko duen lasterketa egingo dute, Jesús María Olagüe Txuma zenaren omenez. Arrastian, Urko disc-jokeyak girotuko du dantzaldia. Horrez gainera, Berangoko emakume kirolariei gorazarre egingo diete, eta Maider Ruesgas eta Maider Barañano bertsolarien saioa ere bai.

Egitaraua:

Uztailak 26, eguena

  • 11:00-12:00 Kalejira txistulariakaz.
  • 12:00 Meza.
  • 13:00 Hamaiketakoa eta euskal dantzak, umeakaz.
  • 18:00 Asto-probak.
  • 18:30-21;00 Umeentzako herri-kirolak.
  • 21:00-22:30 Los Charros taldearen kontzertua.
  • 23:00-03:00 Urrats taldearen dantzaldia. 

Uztailak 27, barikua

  • 12:00 Tortilla-txapelketa eta herri-bazkaria.
  • 12:00-15:00 Umeentzako parkea.
  • 16:00 Bingo herrikoia.
  • 18:00 Asto-probak.
  • 19:00 Zirkozaurreren "Vademekun" ikuskizuna.
  • 19:00-20:30 Kalejira, Berango Kantarigaz.
  • 21:30 Herriko musika-taldeak.
  • 23:30-03:30 Dantzaldia Luhartz taldeagaz. 

Uztailak 28, zapatua

  • Goizean, Txuma Txirrindularitza Lasterketa.
  • 11:30 Argazki-ginkana.
  • 13:00 Birziklatzen ikasteko umeentzako tailerrak.
  • 18:30-20:30 Disko-festa, Urko disc-jockeya.
  • 20:30-21:30 Berangoko emakume kirolariei omenaldia, eta bertso-saioa: Maddalen Ruesgas eta Maider Barañano.
  • 21:00 Sardina-jana.
  • 23:30-01:00 AC-DC musika-taldearen omenezko banda.
  • 01:00-04:00 Disko Sound dantzaldia.

2018/07/26 - 2018/07/28

Santa Ana auzoa Berango

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa