Berangoko Ibilaldi Neurtuaren 36. edizioa egingo dute urriaren 28an

Iker Rincon Moreno 2018ko urr. 9a, 13:48

Herri-bazkaria egiten dute beti, ibilaldiaren ostean.

Sei Herri kultur elkarteak 36. Ibilaldi Neurtua egingo du urriaren 28an, domekan. Ohi legez, prestatutako ibilbideak Uribe Kosta zeharkatuko du, eta goizean goiz hasiko dira izen-emateak Sei Herri herriko tabernan. Nagusien ibilbideak 16 kilometroko luzera du, eta, txikienak, 8 kilometrokoa.

Nagusien kasuan, 08:15ean egin beharko dute izen-ematea, eta txikiek, ostera, 09:00etan. Ordu horretan aterako dira helduak, eta txikiak, berriz, ordu erdi geroago.

Mendi-bueltaren ostean, egitarau zabalaz ospatuko egun berezia: bertako elikagaien azoka egongo da 12:00etatik aurrera. Ordu erdi beranduago, 12:30ean, txalaparta tailerra egingo da, Nagusien Etxeko ondoko plazan. 14:00etan, aldiz, bazkaltzeko ordua izango da frontoian. Ibilaldian parte hartuko duten umeek doan bazkaldu ahal izango dute; gainontzekoek zazpi euro ordaindu beharko dute.

Bazkariaren ondoren, umeek animaziozko filma ikusi ahal izango dute Berangoeta kultur etxean. Helduen bazkariaren ostean, ostera, sari-banaketa hasiko da.

Kartela egitarauagaz:

Kirolak Berango

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun