Urtero legez, Gabonetarako umeentzako programa prestatu du Berangoko Udalak. Hala, horretan parte hartu gura duten neska-mutilek azaroaren 22ra arte izango dute izena emateko aukera. Hilaren 27an zozketa publikoa egingo dute, eta hilaren 28an, eguaztenean, onartutako behin betiko zerrenda ezagutzera emango dute.
Gabonetako ekimen guztiak euskaraz izango dira, adin tarte bakoitzari egokitutakoak: Ludotxiki (2015-2013 jaiotakoak), Ludoteka (2012-2010 artekoak), Ludokluba (2009 eta 2008 artean jaiotakoak) eta Gaztelekua (2006 eta 2001 artekoak). Koloniak abenduaren 26tik 28ra artekoak izango dira.
Berangon erroldatutakoek 30 euro ordaindu beharko dute horietan izena emateagatik; gainontzekoek, aldiz, 60 euro.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!