Laugarrenez, Berangoko Milia da Estatuko onena

Iaz ere sari berdina jaso zuen Berangoko probak. Ezkerretik eskumara: Pablo Arnedo (Miliaren antolatzaileetako bat), Anabel Landa Berangoko alkatea, Josu Hernandez Miliako zuzendaria eta Izaskun Zubiaur Berangoko zinegotzia.

Berangoko Nazioarteko Milia espainiar Estatuko onena izendatu dute, laugarren urtez jarraian. Espainiako Atletismo Federazioak 919 puntu eman dizkio herri-lasterketa horri; bigarren baloratuena Bilboko Nazioarteko Milia da, 663 puntugaz.

Berangoko lasterketaren 32. edizioa 2019ko urriaren 19ra atzeratu dute, proba hori Dohan (Qatar) egingo den aire zabaleko munduko txapelketagaz bat egin ez dezan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun