Kirol Eguna egingo dute zapatuan

Ikastaroen erakustaldia egingo dute Berango Antzokian. © BERANGOKO UDALA

Kirol Eguna antolatu du Berangoko Udalak zapaturako, ekainak 1. Herritar denek parte hartzeko moduko ibilaldi bategaz hasiko da jardunaldia, eta kirolen eta ikastaroen hainbat erakustaldi egingo da ondoren. 

Goizeko 11:00etan hasiko da Kirol Eguna, Udaletxetik abiatuta herria zeharkatuko duen ibilaldia eginez. Ondoren, 12:00etan, kirol-taldeen erakustaldia egingo dute Kirolgunean.

Arrastiko 18:30ean izango da hirugarren eta azken ekitaldia: ikastaroetan ibilitakoen erakustaldia. Zehazki, ikasitakoa erakusteko aukera izango dute dantza moderno, tai-txi, areto-dantza eta ABT (Aerobic, Bizkortze eta Teinkada) ikastaroetan ibilitakoek. Berango Antzokian egingo dute arratsaldeko saioa.