Kirol Eguna antolatu du Berangoko Udalak zapaturako, ekainak 1. Herritar denek parte hartzeko moduko ibilaldi bategaz hasiko da jardunaldia, eta kirolen eta ikastaroen hainbat erakustaldi egingo da ondoren.
Goizeko 11:00etan hasiko da Kirol Eguna, Udaletxetik abiatuta herria zeharkatuko duen ibilaldia eginez. Ondoren, 12:00etan, kirol-taldeen erakustaldia egingo dute Kirolgunean.
Arrastiko 18:30ean izango da hirugarren eta azken ekitaldia: ikastaroetan ibilitakoen erakustaldia. Zehazki, ikasitakoa erakusteko aukera izango dute dantza moderno, tai-txi, areto-dantza eta ABT (Aerobic, Bizkortze eta Teinkada) ikastaroetan ibilitakoek. Berango Antzokian egingo dute arratsaldeko saioa.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!