Aste biko epea egongo da proposamenak aurkezteko; irailaren 15etik 29ra bitartean, hain zuzen ere. Udalari dagokion konpetentziako ideiak bakarrik aurkeztu ahal izango dira, honako jardun-eremuakaz lotutakoak: Hirigintza, Lanak eta Zerbitzuak, Berdintasuna, Kultura, Hezkuntza, Euskara, Gazteria, Droga-Mendekotasunen aurkako Prebentzioa, Ingurumena, Osasuna, Herritarren Segurtasuna, Herri-Babesa eta Gizarte Ekintza.
Zelan parte hartu
Berangon erroldatutako eta 16 urtetik gorako gizon-emakume oro parte hartu ahal izango du prozesu horretan. Proposamenak aurkezteko hainbat modu egongo dira: udaletxeko arreta-bulegoetan dagoen inprimakia bete eta espresuki horiek jasotzeko udalerrian jarritako postontzietan utzita; eta udal webgunean prestatuko den inprimaki digitala bete ondoren partaidetza@berango.eus posta elektronikora bidalita.
Interes gehiago dutenentzako saio informatiboa egingo dute irailaren 25ean, Nagusien Etxean, 19:00etatik aurrera.