Aspalditik Sabino Arana kalean ipinitako radarra gaur hasiko da lanean. Berangoko kale nagusiaren eraldaketagaz batera ipini zuten bertan radarra, oinezkoei lehentasuna eman eta gehienez orduko 20 kilometroko abiaduran ibiltzeko araua errespetarazteko, baina orain arte aktibatu gabe egon da.
Radarra zutoin batean dago eta zirkulazioaren noranzko bietan abiadura neurtzeko gai da. Hau da, autoen aurreko eta atzeko aldeetatik egiten ditu detekzioak. Orduko 20 eta 300 kilometro bitarteko abiadurak atzeman ditzake eta matrikulak identifikatzen ditu horietan argia islatu arren.
Bestalde, indarrean eta Udaltzaingoaren bulegoakaz konektatuta daude daborduko trafikoa kontrolatzeko eta zaintzarako herrian ipinitako hamalau bideokamerak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!