Berangoko PPk txalotu egin du Udaltzaingoaren eta Ertzaintzaren arteko lankidetza-hitzarmena

© EUSKO JAURLARITZA

Jorge Panera Berangoko PPren bozeroaleak adierazi duenez, bere alderdiak begi onez ikusten du Udalak eta Jaurlaritzak polizien arteko lankidetzarako hitzarmena sinatzea. Martitzeneko osoko bilkuran onartu zen neurria, eta Berangoko Udaltzaingoaren eta Ertzaintzaren arteko koordinazioa du helburu.

"Oso akordio ona iruditzen zaigu bertoko herritarren segurtasuna bermatze aldera", esan du Panerak, "delinkuentzia eta bandalismoa gure herritik desagerraraztea da helburua". Lankidetzaren bitartez, bai Udaltzaingoaren bai Ertzaintzaren jarduna askoz eraginkorragoak izan daitezkeela azpimarratu du Panerak. "Jakin badakigu berangoztarrek kezka dutela arlo horri dagokionez" gaineratu du zinegotzi popularrak.

Udalbatzako talde politiko denek bozkatu zuten lankidetza-hitzarmenaren alde.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun