Martxoaren 15ean, 13:00etan, Udal Pilotalekuan egingo dio Berangoko Udalak aitortza-ekitaldia Gonzalezi, dantza-taldeagaz egindako lana eskertzeko. Udalak herritar guztiak gonbidatu ditu ekitaldian parte hartzera.
Oso gaztea zela hasi Iñaki Gonzalez Otxandategi Dantza Taldean, eta hogei urte bete orduko bazuen bertako mutilen taldeko ardura nagusia. Gerora, presidente bilakatu zen, eta denboraz ardura osoa bereganatu zuen, nesken eta mutilen taldeek bat egin zutenean. Haren agindupean, Otxandategik hainbat bidaia egin ditu atzerrira, eta hiru urtean behin egiten den Berangoko Nazioarteko Folk jaialdia antolatzen hasi da. Era berean, daborduko disko bi grabatu dituen abestaldea ere sortu dute.