Berangoko Udalak, "Eusko Jaurlaritzak xedatutakoarekin bat etorriz", iragarri du bihartik aurrera (martxoak 13) itxita egongo direla udal-kirolgunea eta Nagusien Etxea, eta bertan behera utziko dituztela umeentzako zerbitzuak eta haiei zuzendutako ikuskizunak.
Hain zuzen ere, Ludoteka, Ludokluba, Gaztelekua, Haur Liburutegia eta umeentzako ikastaroak eten egingo dituzte, eta bertan behera utzi dituzte Berango Antzokiak umeentzat programatuta zituen emanaldiak.
Helduentzako ikastaroak eta liburutegia, berriz, mantendu egingo dira, baita Antzokian helduei begira aurreikusitako ikuskizunak, baina gehienezko ikusle-kopurua erdira jaitsita.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
