Dirulaguntza-deialdiak dioenez, "beste administrazio batzuek hainbat neurri ekonomiko onartu dituzten arren, egia da eragin sanitarioa, soziala eta ekonomikoa oso handia izan dela, eta neurri horiek nahikoak izango ez direla uste dugu, krisialdi honen aurreko jarduera ekonomikoa eta enplegu-maila berreskuratzeko".
Egoitza fiskala Berangon duten pertsona fisiko eta juridikoek eskatu ahal izango dituzte laguntzak, baita mikro-enpresek ere (hamar langile edo gutxiago dituztenak eta negozio-bolumena edo urteko balantze orokorra bi milioi eurotik beherakoa dutenak). Eskatzaile bakoitzari 800 euroko zenbatekoa emango zaio.
Eskaera gauzatzeko epea hamabost egun naturalekoa izango da, Udalak deialdia bere webgunea iragartzen duen egunetik hasita, eta berangokoudala@berango.org posta elektronikoko helbidera idatziz egin beharko da. Aurrez aurreko izapide bakarra aurkeztu beharreko dokumentazioa ematea izango da, aldez aurretik hitzordua eskatuta. Hemen ikus daitezke dirulaguntzen baldintza denak.