Koronabirusa Uribe Kostan

Umeentzako musukoak banatuko ditu Berangoko Udalak

Artxiboko irudia. DANI BLANCO

PM 2.5 babes handiko maskarak jaso ditu Udalak udalerriko umeen artean banatzeko. Banaketa Berangoeta kultur etxean egingo dute, ekainaren 8tik 19ra, 09:00etatik 13:00etara.

Berangoko Udalak bakterioak iragazten dituzten PM 2.5 babes handiko maskarak jaso ditu, udalerriko 0 eta 11 urte arteko umeen artean banatzeko. Ale bana emango dute eta musukoak eskatzera joango diren familiek Berangon bizi direla egiaztatu beharko dute, NAN edo pasaportea aurkeztuta.

Bestalde, udal iturriek zehaztu dute maskara kirurgikoak hartu ez dituzten auzotarrek ere epe eta ordutegi horretan hartu ahal izango dituztela.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun