Proposamenak egiteko hainbat bide izango dira. Batetik, herrian ipinitako postontzietan sartu ahal izango dira, ekainaren 10etik 24ra bitartean. Internet bidez, udal-webgunera sartuta edo partaidetza@berango.org helbide elektronikora idatzita ere egongo da proposamenak bidaltzeko aukera, data berdinetan.
Bestalde, zuzenean parte hartzeko karpa bat ipiniko dute, honako egun, ordu eta lekuetan:
- Ekainak 16, martitzena Osasun Etxearen inguruan 11:00etatik 14:00etara, eta Kultur Etxearen sarreran 16:00etatik 19:00etara.
- Ekainak 17, eguaztena Sabino Arana kalean, pilotaleku inguruan, 11:00etatik 14:00etara eta 16:00etatik 19:00etara.
- Ekainak 18, eguena Lantzarten, 11:00etatik 14:00etara, eta Axganen, 16:00etatik 19:00etara.