Hezkuntza eta asialdia uztartuko dituzte umeentzako jarduera berezietan

Uztaileko bost barikuetan umeentzako ikuskizunak eskainiko dituzte Berango Antzokian © BERANGOKO UDALA

Uztail osoan zehar 3 eta 12 urte bitarteko umeentzako jarduerak egingo dituzte Berangon, bertako Kultur Etxeak antolatuta. Ume denek ez dituzte jarduera horiek hilabete osoan egingo, ordea: adin-tarte bakoitzak astebete izango du. Astelehenetik eguenera egingo dira tailerrak eta jolasak, eta bariku denetan ikuskizun bat izango da Berango Antzokian. 

Ekintzak Berangoeta eta Santa Ana Kultur Etxeetan eta Kirolgunean egingo dituzte, 10:00etatik 14:00etara. Tailer guztiak euskarazkoak izango dirta. Leku-kopurua mugatuta egongo da eta Berangon erroldatutako umeek baino ezin izango dute parte hartu.

Ekainaren 23tik 28ra bitartekoa izango da izena emateko epea, eta ahal dela posta elektronikoz egiteko eskatu dute: berangokultura@berango.org edo santanakultura@berango.org. Behin betiko zerrenda ekainaren 30ean jakinaraziko dute. Prezioa 5 eurokoa izango da. 2016 eta 2017an jaioentzat ez da tailerrik izango, baina bai ikuskizun bat (uztailaren 3an), eta horiei euro bat kobratuko zaie sarrerarengatik.

Sartzeko momentuan, maskara bana emango zaie umeei, eta tenperatura hartuko zaie. Iragarri dutenez, etxera bidaliko dituzte 37,1 ºC edo hortik gorakoa dutenak.

Hauek izango dira egutegiak eta ordutegiak adin-tarte bakoitzerako:

  • 2016-2017an jaioak  Ganbara ikuskizuna Berango Antzokian. 11:45-13:15 
  • 2014-2015ean jaioak  Uztailaren 6tik 10era. Barikuko ikuskizuna: Bizi-Bizi Zirkua (11:45-13:15)
  • 2012-2013an jaioak  Uztailaren 13tik 17ra. Barikuko ikuskizuna: Miru Kontzertua (11:45-13:15)
  • 2010-2011n jaioak  Uztailaren 20tik 24ra. Barikuko ikuskizuna: Tor magoa (11:45-13:15)
  • 2008-2009an jaioak  Uztailaren 27tik 31ra. Barikuko ikuskizuna: Skratx-Berria (16:45-18:15)

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun