Herriko posta-bulegoa udan bi hilabetez ixtea begi onez ikusten ez duela adierazten duen mozioa onartu zuen Berangoko osoko bilkurak joan den martitzenean egindako saioan. Mozioa EH Bilduk aurkeztu zuen , eta aldeko bost boto lortu zituen (EH Bildu 3, Elkarrekin Podemos 1, PSE-EE 1). EAJ (7) eta PP (1), berriz, abstenitu egin ziren.
Onartutako mozioa betez, Udalak eskutitza bidaliko dio Espainiako Correos posta-operadore publikoari, udan bi hilabetez eta zapatu denetan ixteagatik ezinegona adieraziz. "Sociedad Estatal de Correos y Telégrafos S.A.ri urteko 12 hilabeteetan gure udalerrian kalitatezko zerbitzua emateko eskatzen diogu", dio mozioaren testuak. Besteak beste, urte osoan astelehenetik zapatura bitartean herriko bulegoa zabaltzeko eskatzen dute.
Era berean, udalbatzak hartutako akordioaren gaineko erantzun bat ematea eskatuko diote Correosi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
