Euskaraldia datorrela eta, herritarrek bidalitako argazki, mezu eta bideoak erabilita ikus-entzunezko bat egiteko asmoa du Berangoko Udalaren Kultura Sailak. Besteak beste, Ahobizi eta Belarriprest dioten kartelakaz edo Euskaraldia berbaren letrakaz argazkiak egiteko aukera eskaini dute, Ludotekan.
Ludotekan argazkia egiteko aldez aurretik izena eman beharra dago, azaroaren 13ra bitartean. Horrez aparte, pertsona eta talde bakoitzak gura duen Berangoko txokoan egin ahal izango du erretratua edo bideoa, norberak sortutako materiala erabiliz. Bai izena emateko bai mezuak bidaltzeko helbidea berangokultura@berango.org da. Materiala bidaltzeko azken eguna azaroaren 17a izango da.
Bestalde, Berangoeta Kultur Etxean banatuko dituzte Euskaraldian parte hartzeko txapak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!