Auzotaxi zerbitzua ezartzea onartu du Berangoko Udalak, urtarrileko osoko bilkuran hala erabakita. Udal-iturriek diotenez, horren helburua da udalerriko 70 urtetik gorako edo mugikortasun-arazoak dituzten pertsonei zerbitzua.
Udal-iturriek zehaztu dutenez, onartu berri duten Auzotaxi zerbitzua bideratuta egongo da Osakidetzako osasun-etxe eta ospitaleetara hurbiltzeko, baita udalerriko banketxe, komertzio, udaletxe eta garraio-publikoen zerbitzuetara joan-etorriak egiteko.
Zerbitzua erabili ahal izango dute udalerriko 70 urtetik gorako pertsonak, baita mugikortasun-arazoak dituztenak ere.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!